السلام عليكم ورحمة الله وبركاته

على فكرة ده اول موضوع ليا فى المنتدى هنا
يارب الموضوع يعجبكو وعايز اشوف التشجيع
ومش هاتكلم كتير هادخل فى الموضوع على طول

ايه هو جوجل ادسنس ؟
جوجل ادسنس هو برنامج عملاه جوجل كوسيط بين المعلنين ( شركات - مواقع وغيره ) والناشرين (اى حد يمتلك صفحة على الانترنت )علشان تضمن ان الاعلانات بتوصل لاكبر قدر من مستخدمى الانترنت

طيب ايه الفايدة اللى هاتعود عليا ؟
كل اللى عليك انك تمتلك صفحة على الانترنت علشان تقدر تحط عليها الاعلانات وبعد ما تشترك فى جوجل ادسنس وتحط اعلانات فى موقعك هايبقى فى عندك طريقتين تزود بيهم رصيدك :
1- انك تحط اعلانات واى حد يدوس على الاعلانات دى جوجل بتاخد نسبة وبتديك نسبة (طبعا نسبتك لا تقارن بنسبتهم )
2- انك تحط مربع بحث برضه هما هايدولك الكود بتاعه واى حد يعمل بحث من عندك ويدخل على اى موقع من نتايج البحث بيديلك برضه عليه فلوس

ايه الميزة فى جوجل ادسنس ؟
اولا ان الاعلانات اللى بتتعرض بتكون مرتبطة بمحتوى الموقع (وانصح ان الموقع يكون انجليزى بسبب كثرة المعلنين الاجانب وارتفاع ثمن اعلاناتهم )
ثانيا رصيدك بيجيلك فى شيك اول ما تعمل اول 100 دولار
ثالثا المصداقية وما اعتقدش ان حد يقدر يشكك فى مصداقية جوجل خصوصا انى شوفت الشيك بعينى وان شاء الله اول ما الشيك يوصلنى هارفعهولكم عشان تتأكدوا برضو بس انتو ادعولى

اهم حاجة انكم تقروا سياسات وشروط جوجل كويس قوى علشان ما تعرضش حسابك للاغلاق مدى الحياة والشروط هاتلاقوها هنا

انا عارف ان فيه كتير لسة ما اشتركش او مش عارف ازاى يشترك فى جوجل ادسنس
عشان كدة انا قررت اشرح وبالصور من اول ما تعملك موقع لحد ما تشترك فى ادسنس وتحط اكواد الاعلانات

يالا بسم الله نبدأ

اول حاجة نعمل المدونة من هنا
هانلاقى الصفحة

هاندوس تحت على create your blog
وبعدين نملى البيانات دى

هاندخل على الصفحة دى

وبعدين مبروك ياعم على الموقع اختار بقى الشكل اللى تحبه

اكتبلك بقى كام موضوع كده كويسين - طبعا الكلام عن الفلوس يجيب فلوس ههههه-

بعد لما تكتب مواضيعك وجوجل توافق على اشتراك الادسنس بتاعك ان شاء الله
تدخل على المدونة وتختار layout

هاتروح على صفحة بتوريك الـ design بتاع موقعك
احنا مش عايزين منه غير حاجة واحدة بس add page element

هاتطلعلك صفحة فيها حاجات كتيرة ابقى شوفها انت بعدين وخلينا فموضوعنا
احنا مش عايزين غير html/java script

بعد لما تدوس هاتطلعلك صفح هاتنسخ فيها الكود بتاع جوجل ادسينس وتسيفه زى ما هنشوف كمان شوية

نيجى بقى المرحلة التانية وهى اشتراج جوجل ادسنس
طبعا لو عندك موقع ممكن تشترك على طول من هنا ولولسة هاتعمل موقع برضه ابقى تعالى اشترك من هنا
هاتطلعلك صفحة هاتدوس على

هاتروح لصفحة تانى هاتدوس هنا

هاتتدخل على صفحة البيانات دى هاتملاها ببيانات سليمة وما تخافش السرية مضمونة دى جوووجل

خلاص كده تستنى بقى من يومين لاسبوع بالكتيييييييييييييييييييير خالص عقبال ما يشوفو بياناتك والموقع بتاعك وان شاء الله هايوافقوا واول ما يوافقوا هايبعتولك ايميل بكدة وفيه بياناتك وشوية حاجات كده
كده خلاص

ندخل بقى على المرحلة التالتة وهى وضع الاعلانات فى الموقع بتاعك
لما جوجول توافق على الموقع بتاعك هاتروح تسجل الدخول
هاتدخل على صفحة زى دى

بس طبعا رصيدك هايكون 0 دولار وانت وهمتك بقى يا بطل
هانختار من فوق adsense setup
هانروح للصفحة دى

هتختار مرة adsense for content ومرة adsense for search ومرة referrals
وكل مرة هاتروح على صفحة تظبط فيها زى مانتا عايز وهاتلاقى الكود فى اخر الصفحة تنسخو وتحطو فى الموقع بتاعك زى ما قولت من شوية
وفى الاخر ليا عندكو خدمة ياريت ما تبخلوش عليا وتسجلو ريفيرال ليا من هنا هاتلاقوا الصورة دى فى القايمة على اليمين سجلوا من عليها

وشكرا ليكو اعضاء المنتدى الكرام انكم استحملتونى كل ده

نسيت اقولكوا على اهم حاجة وهى امتى هاتخدوا الشيك
ان شاء الله اول ما يوصل رصيدك 100 دولار على طول هما هايبعتولك شيك بيها فى اخر الشهر اللى انت تميت فيه الـ 100 دولار
للاطلاع على سياسات وشروط جوجل ادخل هنا والجديد ان جوجل بتدعم اللغة العربية هتلاقى فى اعلى الصفحة language اختار منها العربية
اوعوا تنسوا تدعولى دعوة خير دى اهم حاجة
وأى استفسارات انا تحت امركم